Кыргызстандын аэропорттору былтыр 6 млн ашуун жүргүнчүнү тейледи
Кыргызстанда жарандык авиация өлкөнүн транспорттук жана социалдык инфраструктурасынын маанилүү бөлүгү болуп саналат. Жыл сайын 7- октябрда Жарандык авиация күнү белгиленет. Бүгүн Улуттук статистика комитети аталган тармактын майрамын утурлай, алардын ишин цифралар менен чагылдырып берди.
Билдирүүгө карата бүгүнкү күндө “Кыргызстандын аэропорттору” ААКсынын курамында 11 аэропорт бар. Анын ичинен 6сы эл аралык, 5өө аймактык аэропорт болуп саналат. 2025-жылы Кыргызстандын аэропорттору 6 млн ашык жүргүнчүгө кызмат көрсөткөн.
2025-жылы “Манас” эл аралык аэропорту жана өлкөнүн башка аймактык аэропорттору өлкөдөгү бардык аэропортторду башкарган бирдиктүү мамлекеттик корпорация - “Кыргызстандын аэропорттору” ААКсынын курамына бириктирилген.
Кыргызстандын башкы аба дарбазасы – “Манас” эл аралык аэропорту болуп саналат. Ал эл аралык жана ички каттамдарды тейлейт, учактардын бардык түрүн кабыл алууга мүмкүнчүлүгү бар. Ошондой эле аэропорт аймактагы эң узун асфальтталган учуу-конуу тилкелеринин бирине ээ.
“Манас” эл аралык аэропортунун түзүмүнө - Ош, Ысык-Көл, Каракол жана Баткен аэропорттору кирет. Ал эми Жалал-Абад, Исфана, Кербен, Казарман, Нарын жана Талас аэропорттору аймактык филиалдар катары иштеп, ички каттамдарды тейлейт.
Мындан тышкары, 2025-жылы улуттук авиакомпаниялардын каттамдары менен 1,8 млн жүргүнчү ташылган. Анын ичинен 42% эл аралык, 58% ички каттамдарга туура келген.
