ЕАЭБдин жасалма интеллект боюнча форуму Кыргызстанда өтөт
Жогорку Евразиялык экономикалык кеңештин жыйынында ЕАЭБ алкагында жасалма интеллектти жоопкерчиликтүү өнүктүрүү боюнча Биргелешкен билдирүү кабыл алынды. Бул тууралуу Экономика жана коммерция министринин орун басары Султан Ахматов билдирди.
Астанада өткөн V Евразиялык экономикалык форумдун негизги темасы "ЕАЭБ глобалдык санариптик жарышта: жасалма интеллектке коюм" болду. Форумда электрондук соода, санариптештирүү, логистика жана эмгек рыногу боюнча 30га жакын сессия өттү.
Султан Ахматовдун айтымында, жыйында жалпысынан 18 маселе каралып, үчүнчү өлкөлөр менен соода-экономикалык кызматташтыкты кеңейтүү, Тунис менен эркин соода аймагын түзүү боюнча сүйлөшүүлөрдү баштоо жана агрардык долбоорлорду каржылоо маселелери талкууланды.
Ошондой эле 2027-жылы кезектеги Евразиялык экономикалык форум Кыргызстанга өткөрүлөрү белгиленди.
