Унааларды тонировкалоого жеңилдик сунушталды
Президенттин Иш башкармалыгы унаалардын алдыңкы каптал айнектерин караңгылатууга уруксат берүү боюнча кезектеги акцияны өткөрүүнү сунуштады. Тиешелүү токтом долбоору коомдук талкууга чыгарылды.
Маалыматка ылайык, арзандатуунун алкагында жарандар бир жылдык мөөнөткө унааларын караңгылата алышат. Учурдагы төлөмдөр: резиденттер үчүн — 50 миң сом, юридикалык жактар үчүн — 70 миң сом, резидент эместер үчүн — 90 миң сом.
Демилгечилер буга чейин мындай жеңилдиктер бюджеттик түшүүлөрдүн өсүшүнө, ошондой эле унааны мыйзамсыз караңгылатууну азайтууга өбөлгө болгонун белгилешти.
