Жемкорлукка каршы күрөш: ветеринардык кызматта видеорегистратор колдонулат
Коррупциялык тобокелдиктерди азайтуу жана кызматкерлердин ишинин ачык-айкындуулугун камсыз кылуу максатында Ветеринардык жана фитосанитардык көзөмөл кызматы 36 даана тагынма видеорегистратор сатып алды.
Мекемеден билдиришкендей, жабдуулар кызматтык милдеттерди аткаруу иштерин каттоого алып, мыйзам талаптарынын сакталышын көзөмөлдөөгө жана жемкорлукту алдын алууга жардам берет.
Мындан тышкары, 19-майда жана 2-июнда коррупцияга каршы аракеттенүү боюнча комиссиянын жыйындары өтүп, кызматкерлердин жоопкерчилигин күчөтүү жана коомчулук менен байланышты жакшыртуу, жемкорлукту жоюу маселелери талкууланды.
Жыйынтыгында жарандар жана кызматкерлер үчүн коррупцияга каршы маалыматтык китепчелерди даярдоо чечими кабыл алынды.
