Чүйдө жол куруу иштеринин сапаты текшерилди
Бишкек – Аламүдүн – Ысык-Ата унаа жолунда жүргүзүлүп жаткан курулуш иштеринин сапатына көзөмөл күчөтүлүүдө. Бул тууралуу Курулуш, архитектура жана турак жай-коммуналдык чарба министрлиги билдирди.
Көзөмөлдүн натыйжасында жол катмарынын сапатын аныктоо үчүн керн үлгүлөрү алынып, лабораториялык сыноого жөнөтүлдү. Жыйынтыгы аркылуу иштердин долбоордук документтерге, курулуш нормаларына жана техникалык регламенттерге шайкештиги бааланат.
Маалыматка ылайык, министр Нурдан Орунтаевдин тапшырмасынын негизинде өлкө боюнча жүрүп жаткан куруу иштеринин баары рейддик текшерүүдөн өтүп жатат.
Мындай текшерүүлөр жол инфраструктурасынын коопсуздугун, ишенимдүүлүгүн жана узак мөөнөттүү пайдаланылышын камсыз кылууга багытталган.
