Жеңил өнөр жай өндүрүмдөрүн маркалоо маселелери талкууланды
Жеңил өнөр жай өндүрүмдөрүн ташып чыгарууда маркалоо жана шайкештигин тастыктоо талаптарын аткаруу маселелери 2-июнда Экономика жана коммерция министрлигинде өткөн кеңешмеде талкууланды.
Иш-чарага Селлерлер жана маркетплейстер ассоциациясынын өкүлдөрү, жеңил өнөр жай ишканалары жана шайкештикти баалоо органдары катышты. Аларга өндүрүм түрүнө жараша сыноолорду жүргүзүү, шайкештикти баалоо жана маркалоону колдонуу тартиби боюнча маалымат берилди.
Кеңешменин жыйынтыгында техникалык регламенттердин талаптарын так сактоо өндүрүм сапатын камсыздап, анын экспорттук рыноктордогу атаандаштыкка жөндөмдүүлүгүн жогорулатары белгиленди. Ошондой эле бул талаптарды аткаруу товарлардын коопсуздугун камсыздоого жана өндүрүүчүлөрдүн экспорттук мүмкүнчүлүктөрүн кеңейтүүгө өбөлгө түзөрү айтылды.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
