Кыргызстан эл аралык форумда Улуттук стендин сунуштады
3-июнда Орусияда өткөн Санкт-Петербург эл аралык экономикалык форуму алкагында Кыргыз Республикасы биринчи жолу өзүнүн Улуттук стендин расмий түрдө тааныштырды.
Ачылыш аземине Министрлер кабинетинин төрагасынын биринчи орун басары Данияр Амангелдиев катышты.
Өз сөзүндө ал бул окуя өлкөнүн экономикалык дипломатиясындагы жаңы этап экенин белгиледи.
“Петербург эл аралык экономикалык форуму сыяктуу абройлуу эл аралык жайда өзүбүздүн Улуттук стендибизди көрсөтүү биздин экономикалык дипломатиябыздын жаңы этабын билдирет. Бул Кыргызстандын дүйнөгө ачыктыгынын жана эл аралык кызматташтыкты тереңдетүүгө умтулганыбыздын ачык далили”, — деди Данияр Амангелдиев.
Анын айтымында, Улуттук стенд Кыргызстандын динамикалуу өнүгүүсүн, инвестициялык мүмкүнчүлүктөрүн жана экономиканын негизги тармактарындагы жетишкендиктерин көрсөтүүгө багытталган. Ошондой эле ал ири эл аралык долбоорлорду биргелешип ишке ашырууга өлкөнүн даяр экенин белгиледи.
Форумдагы кыргыз стенди эки тараптуу жолугушууларды өткөрүү, инвестициялык долбоорлорду тааныштыруу жана кыргызстандык жана чет элдик бизнес өкүлдөрүнүн ортосунда түз байланыштарды түзүү үчүн негизги аянтча болот.
Стенддин коноктору Кыргызстандын артыкчылыктуу багыттары — энергетика, туризм, санариптик экономика, өнөр жай кооперациясы жана транспорттук инфраструктура боюнча маалымат ала алышат.
с
