Жаңы-Достук айылында 225 орундуу мектеп курулууда
Баткен районунун Жаңы-Достук айылында 225 орундуу жаңы мектептин курулушу жүрүп жатат. Бул тууралуу Курулуш, архитектура жана турак жай-коммуналдык чарба министрлиги билдирди.
Маалыматка ылайык, билим берүү мекемеси республикалык бюджеттин эсебинен каржыланып, анын жалпы наркы 197 млн сомду түзөт.
Долбоор боюнча жалпы аянты 1 938 чарчы метрди түзгөн төрт блоктон турган имарат курулат. Анда эки кабаттуу окуу корпусу, жыйындар залы, ашкана жана бардык шарттары каралган спорт залы орун алат.
Мындан тышкары, мектептин аймагында волейбол, баскетбол жана футбол ойноо үчүн атайын аянтчалар салынары белгиленди.
с
