Экологиялык көзөмөл кызматында жемкорлук маселеси талкууланды
Экологиялык жана техникалык көзөмөл кызматында коррупцияга каршы аракеттенүү маселелерине арналган түшүндүрүү иш-чарасы өткөрүлдү. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди.
Маалыматка ылайык, аталган иш-чарага Ички иштер министрлигинин өкүлдөрү катышып, жемкорлукка каршы мыйзамдардын талаптары, пара алуу жана берүү үчүн каралган жоопкерчилик, кызматтык тартипти сактоо жана кызматтык ыйгарым укуктарды жеке кызыкчылык үчүн пайдаланууга жол бербөө маселелери талкууланды.
Экологиялык жана техникалык көзөмөл кызматы мамлекеттик антикоррупциялык саясатты ырааттуу ишке ашырып жатканын билдирди.
Иш-чаранын жыйынтыгында жемкорлукка каршы күрөш ар бир мамлекеттик кызматчынын жеке жоопкерчилигинен баштала турганы белгиленип, бул багыттагы профилактикалык иштер мындан ары да улантылары айтылды.
