Бишкектеги Күмүшалиева көчөсү пайдаланууга берилди
Бишкек мэри Айбек Жунушалиев Октябрь районундагы С. Күмүшалиева көчөсүнүн реконструкциясын көрүп чыкты. Бул тууралуу мэриядан кабарлашты.
Маалыматка ылайык, оңдолгон тилкенин узундугу 570 метр, туурасы 7 метр. Эки тарабына 1,5 метрден тротуар салынып, суу агызуучу лоток жана бордюрлар орнотулган.
Тургундар мэрге ыраазычылык билдирип, жол жаңыргандан кийин айдоочулар ылдамдыкты ашырып жатканын айтышты.
Буга байланыштуу мэр көчөгө заманбап жасалма дөңсөөлөрдү тез арада орнотууну тапшырды.
Жыйынтыгында тиешелүү кызматтарга бир катар тапшырмалар берилди.
