“Каракол” аэропортунун учуп-конуу тилкесинин сапаты текшерилди
Курулуш министрлигине караштуу Курулушта сертификаттоонун республикалык борборунун адистери “Каракол” эл аралык аэропортунун учуп-конуу тилкесиндеги асфальт жабуусунун сапатына көзөмөл жүргүзүштү.
Текшерүүдө жабуунун сапаттык көрсөткүчтөрүн аныктоо үчүн асфальттын керн үлгүлөрү алынып, лабораториялык изилдөөгө жөнөтүлдү.
Аталган сыноолордун жыйынтыгы аткарылган иштердин сапатын жана алардын ченемдик-техникалык талаптарга шайкештигин баалоого мүмкүндүк берет.
Адистердин айтымында, мындай көзөмөлдөө иш-чаралары курулуш жана инфраструктуралык объектилердин ишенимдүүлүгүн, коопсуздугун жана узак мөөнөттүү пайдаланылышын камсыздоо максатында туруктуу негизде жүргүзүлүп келет.
Белгилей кетсек, “Каракол” эл аралык аэропортундагы жаңылоо иштеринин сапатын текшерүү авиациялык инфраструктуранын талаптарга жооп беришин камсыздоодо маанилүү кадам болуп саналат.
