Н. Орунтаев Токмоктогу жаңы стадиондун курулушун текшерди
Бүгүн курулуш, архитектура жана турак жай-коммуналдык чарба министри Нурдан Орунтаев Чүй облусуна болгон иш сапарынын алкагында бир катар курулуш объектилериндеги иштердин жүрүшү менен таанышты.
Министрликтин маалыматына ылайык, алардын бири Токмок шаарында курулуп жаткан жаңы стадиондун курулушу. Долбоорго ылайык стадион 3000 көрүүчүгө ылайыкталган.
Текшерүү учурунда министр курулуш иштеринин сапатына жана мөөнөтүнүн так сакталышына өзгөчө көңүл буруп, тиешелүү кызматтарга тапшырмаларды берди.
Белгилей кетсек, долбоор №8 мектептин базасында ишке ашырылууда. Стадиондо заманбап трибуналар, кийим алмаштыруучу жана жуунуучу бөлмөлөр, медициналык пункт, медиа борбор жана башка керектүү жайлар каралган.
Объект пайдаланууга берилгенден кийин аймактагы спорттук инфраструктуранын өнүгүшүнө салым кошот.
