Шаар тургундары түнкү курулуш иштерине нааразычылыгын билдиришти
Бишкектеги Күрөңкеев атындагы музыкалык окуу жайынын жанында жашаган тургундар түнкү курулуш иштерине нааразычылыгын билдиришүүдө.
Алардын айтымында, объектте кечки убактан таңкы саат 4:00гө чейин оор техникалардын ызы-чуусу тынч эс алууга тоскоол болууда.
Ал эми курулуш компаниясы күндүз жол тыгынын жаратпоо үчүн курулуш иштерин түндө жүргүзүп жатканын айтышкан.
Бирок жарандардын айтымында, негизги техника курулуш аймагынан чыкпайт жана жолду ээлебейт.
Жашоочулар тиешелүү органдардан бул маселени текшерүүнү суранышууда.
