Кыргызстанда 3,5 баллдык жер титирөө катталды
14-июнда таңкы саат 05:11де өлкө аймагында жер титирөө катталды.
Улуттук илимдер академиясынын Сейсмология институтунун маалыматына ылайык, Шиленкана айылынан түндүк-чыгышка карай 6 чакырым, Торкент айылынан түндүк-чыгышка карай 19 чакырым жана Токтогул шаарчасынан чыгышты көздөй 36 чакырым аралыкта болгон.
Жер титирөөнүн күчү Шиленкана айылында болжол менен 3,5 баллга жеткен.
Ал эми Кара-Жыгач, Торкент, Толук, Коргон, Бел-Алды жана Сары-Сегет айылдарында силкинүүнүн күчү 3 балл болгон.
Үч-Терек, Саргата, Кетмен-Төбө, Жар-Таш, Чогорчу, Ничке, Ноот айылдарында жана Токтогул шаарчасында жер титирөө 2,5 балл деңгээлинде сезилген.
Алдын ала маалыматтар боюнча, жер титирөөдөн жабыркагандар жана кыйроолор тууралуу маалымат түшө элек. Тиешелүү кызматтар кырдаалга көз салууну улантууда.
