Өнөр жай өндүрүшүнүн көлөмү 374,7 млрд сомго жетти
2026-жылдын январь-май айларында өнөр жай продукциясын өндүрүүнүн көлөмү 374,7 млрд сомду түздү. Бул тууралуу Улуттук статистика комитети билдирди.
Маалыматка ылайык, физикалык көлөмдүн индекси 2025-жылдын январь-май айларына карата 114,4%ды түздү.
Өнөр жай өндүрүшүнүн 2025-жылдын январь-май айларына салыштырмалуу өсүшү:
негизги металлдардын 12,4%га;
тамак-аш азыктарынын (суусундуктарды жана тамеки буюмдарын кошо алганда) 15,7%га;
тазаланган мунайзаттардын 43,7%га;
курулуш материалдары 36,1%га;
транспорт каражаттарынын 1,6 эсеге;
жыгач жана кагаз буюмдары, полиграфиялык ишмердүүлүктүн продукцияларынын 1,7 эсеге;
фармацевтикалык өндүрүмдөрдүн 1,8 эсеге;
химиялык өндүрүмдөрдүн 3 эсеге жогорулашы менен камсыз болгону белгиленди.
