Жогорку Кеңеш кыймылсыз мүлктү каттоо боюнча мыйзам долбоорун жактырды
Жогорку Кеңештин жыйынында «Кыймылсыз мүлккө жана аны менен болгон бүтүмдөрдү укуктарды мамлекеттик каттоо жөнүндө» мыйзамга өзгөртүүлөрдү киргизүү тууралуу мыйзам долбоору биринчи окууда каралып, жактырылды.
Демилгечи депутат Дастан Бекешев белгилегендей, мыйзам долбоорунун максаты — кыймылсыз мүлккө каттоо аракеттерине өзүнө-өзү тыюу салуу механизмин киргизүү аркылуу жарандардын мүлктүк укуктарын жана мыйзамдуу кызыкчылыктарын коргоону күчөтүү.
Жобого ылайык, мүлк ээси өзүнө таандык кыймылсыз мүлккө карата каттоо аракеттерин жүргүзүүгө өз эрки менен акысыз түрдө тыюу салуу укугуна ээ болот.
Талкуу маалында депутаттар бул механизм алдамчылык учурларынан кошумча коргоо болуп саналарын белгилеп, аны жетим балдардын мүлктүк укуктарын коргоо багытында да кеңейтүү сунушун беришти.
