Электр унаалары жана такси тармагында жаңы долбоорлор ишке ашат

Экономика жана коммерция министрлигинде Улуттук инвестициялык фонддун ААКсы менен кытайлык Shenzhen Wuyou Technology Co., Ltd. компаниясынын ортосунда алкактык макулдашууларга кол коюу аземи өттү. Бул тууралуу министрликтин басма сөз кызматы билдирди.

Иш-чарага экономика жана коммерция министринин орун басары Беназир Нурланова жана Улуттук инвестициялык фонддун башкы директору Уран Темирбеков катышты.

Макулдашуунун алкагында улуттук такси агрегаторун түзүү, заманбап электромобилдер паркын өнүктүрүү жана кубаттоочу станциялардын тармагын жайылтуу боюнча үч инвестициялык долбоор ишке ашары белгиленди.

Демилгелер транспорт тармагын санариптештирүүгө, жашыл экономиканы өнүктүрүүгө жана инвестиция тартууга багытталган.

Тараптар узак мөөнөттүү кызматташууга даяр экенин билдирип, технология алмашуу жана биргелешкен долбоорлорду ишке ашыруу мүмкүнчүлүктөрүн белгилешти.