Коомдук транспортто накталай төлөмдөн баш тартуу мыйзамга каршы келбейби?
КРнын Монополияга каршы жөнгө салуу кызматы Бишкек шаарындагы коомдук транспортто накталай төлөмдөрдү толугу менен жоюу демилгеси боюнча өз позициясын билдирди.
Мекеменин маалыматына ылайык, мындай демилге өлкөнүн мыйзам талаптарына каршы келиши мүмкүн. Анткени КРнын аймагында расмий мыйзамдуу төлөм каражаты катары накталай жана накталай эмес сом бирдей колдонулат. Экөө тең товарлар жана кызмат көрсөтүүлөр үчүн кабыл алынышы керек болгон улуттук валюта болуп саналат.
Билдирүүгө караганда, жарандардын төлөм жүргүзүү ыкмасын өз алдынча тандоо укугу бар. Башкача айтканда, жарандар кызмат көрсөтүүлөр үчүн накталай же накталай эмес формада төлөө мүмкүнчүлүгүнө ээ болушу керек.
Ушуга байланыштуу Монополияга каршы жөнгө салуу кызматы коомдук транспортто накталай төлөмдөн толук баш тартуу жарандардын мыйзам менен кепилденген укуктарын чектеп коюшу ыктымалдыгын белгилеген.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди Ишкер MEDIA сайтынын Telegram, Facebook, Instagram, Threads жана Х каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
