Шайлоо мыйзамына өзгөртүүлөрдү киргизүү демилгеси талкууга чыкты
Депутат Мирлан Жээнчороев “Жогорку Кеңештин депутаттарын шайлоо жөнүндө” мыйзамга бир катар өзгөртүүлөрдү киргизүүнү сунуштады. Бул тууралуу парламенттин басма сөз кызматы билдирди.
Демилгеге ылайык, өзүн өзү көрсөткөн талапкерлер үчүн Борбордук шайлоо комиссиясына төлөнүүчү күрөөнү 300 миң сомдон 150 миң сомго түшүрүү, ал эми шайлоо фондунун эң жогорку чегин 20 миллион сомдон 10 миллион сомго чейин азайтуу сунушталууда.
Ошондой эле “үгүтчү бир округда бир гана талапкерге же партияга иштей алат” деген талап киргизүү, “талапкер акыркы беш жылда Кыргызстанда туруктуу жашашы керек” деген ченемди алып салуу жана теледебатка катышуудан негизсиз баш тарткан талапкерлерге жоопкерчилик кароо сунуш кылынган.
Аталган долбоор коомдук талкууга чыкты.
Эске салсак, БШК буга чейинки шайлоолордо айрым талапкерлерди Кыргызстанда акыркы беш жыл туруктуу жашаган эмес деген негизде каттоодон баш тарткан учурлар болгон.
