Коом

Өзбекстандан алынып келинген колбаса Кыргызстанга киргизилген жок

Сапар Акунбеков

Өзбекстандан алынып келинген колбаса Кыргызстанга киргизилген жок

Ош облусундагы кыргыз-өзбек мамлекеттик чек арасындагы “Достук” чек ара ветеринардык көзөмөл өткөрүү жайында Өзбекстандан ташылып келе жаткан 650 кг колбаса Кыргызстандын аймагына киргизилген жок. Бул тууралуу Айыл чарба министрлигинен билдиришти.

Маалыматка ылайык, жүктү текшерүү учурунда Чек ара ветеринардык көзөмөл пунктунун тескөөчүлөрү тарабынан Евразия экономикалык биримдигинин ветеринардык-санитардык талаптарынын бузулгандыгы аныкталды. Атап айтканда, продукциянын маркалоосу жок болуп, ветеринардык-санитардык талаптарга жооп бербегени белгиленди.

Аныкталган мыйзам бузуулардын негизинде жүктү Кыргызстандын аймагына киргизүүгө уруксат берилген жок. Тескөөчүлөр тарабынан тиешелүү актылар түзүлүп, жүк “Достук” чек ара ветеринардык көзөмөл өткөрүү жайы аркылуу кайра Өзбекстанга кайтарылды.

Ветеринардык көзөмөл мамлекеттик чек ара аркылуу ташылып өтүүчү жаныбарлардан алынган продукциялардын коопсуздугун камсыз кылууга жана өлкө аймагына ветеринардык талаптарга жооп бербеген товарлардын кирүүсүнө жол бербөөгө багытталган.

Жаңылыктар биздин Телеграмм каналда

Мындан тышкары окуңуз

Кадамжайдагы Кожо-Ашкан дарыясы 35 млн сомго бекемделди

Кадамжайдагы Кожо-Ашкан дарыясы 35 млн сомго бекемделди

Баткен облусунун Кадамжай районунун Кожо-Ашкан дарыясынын 880 метр аралыгы бекемделди. Анын ичинен Чоң-Гара айылында 500 метр, Кызыл-Коргон айылында 380 метр бекемделди. Бул тууралуу облустук өкүлчүлүктөн билдиришти. Бул жумуштар үчүн 2025-жылы республикалык бюджеттин эсебинен 20 млн сом, 2024-жылы Баткен облусун Өнүктүрүү фондунан 15 млн сом акча
Жаңы тез жардам унаалары сатылып алынат

Жаңы тез жардам унаалары сатылып алынат

Тез жардам кызматынын иши менен жеринен таанышуу максатында Саламаттык сактоо министри Дамир Осмонов Бишкек шаардык Тез жардам борборуна барды. Саламаттык сактоо министрлигинин маалыматына ылайык, министр диспетчердик борбордун иши, чакырууларды кабыл алуунун автоматташтырылган системасы жана бригадалардын ишин координациялоо тартиби менен таанышты. Иш сапардын жүрүшүндө жол-транспорт кырсыгы тууралуу чакыруу түшүп, министр
Чектеш өлкөлөр атайын жөнөтүүлөрдү алмашуу маселесин талкуулашты

Чектеш өлкөлөр атайын жөнөтүүлөрдү алмашуу маселесин талкуулашты

Ички иштер министрлигинде чектеш мамлекеттер ортосунда атайын жөнөтүүлөрдү чек ара аркылуу алмашууну уюштуруу жана өркүндөтүү маселелерине арналган жумушчу жолугушуу болуп өттү. Бул тууралуу министрликтин басма сөз кызматы билдирди. Иш-чарага ички иштер министринин орун басары Сүйүнбек Ниязбеков, Фельдъегердик кызматынын жана «Фельдъегердик кызматтын Атайын байланыш кызматы» мамлекеттик ишканасынын жетекчилиги, ошондой эле
Ысык-Көлдө тамактануучу жайлар текшерилүүдө

Ысык-Көлдө тамактануучу жайлар текшерилүүдө

Жайкы туристтик мезгилге карата калктын жана эс алуучулардын коопсуздугун камсыздоо максатында Ысык-Көл районундагы коомдук тамактануучу жайларда текшерүү жүргүзүлүүдө. Ветеринардык жана фитосанитардык көзөмөл кызматынын маалыматына ылайык, Санитардык-эпидемиологиялык кызмат менен биргеликте 22 коомдук тамактануучу жай текшерүүгө алынды. Анда ишканалардын коштомо документтери, эт жана сүт азыктарынын сапаты менен сакталуу шарттары каралды.