Бишкектин Жунусалиев көчөсүндө жашылдандыруу иштери жүргүзүлүүдө
Бишкек шаарында Жунусалиев көчөсүнүн Анкара көчөсүнөн Койбагаров көчөсүнө чейинки тилкесинде жашыл аймакты калыбына келтирүү иштери жүргүзүлүүдө.
Бишкек шаардык мэриясынын малыматына ылайык, буга чейин аталган тилкеде мыйзамсыз уюштурулган унаа кирүүчү жолдор жана унаа токтотуучу жайлар аныкталган. Алар шаардык чөйрөнүн абалына терс таасирин тийгизип, жашыл көчөттөрдүн өсүшүнө тоскоолдук жаратып келген.
Учурда “Бишкек жашыл курулуш” муниципалдык ишканасынын адистери аймакты көрктөндүрүү жана жашылдандыруу иштерин жүргүзүүдө.
Аталган иштерге эки атайын техника жана “Бишкек жашыл курулуш”муниципалдык ишканасынын он кызматкери тартылган.
“Бишкек жашыл курулуш” муниципалдык ишканасы борбор калаанын жашыл аймактарын өнүктүрүү жана сактоо боюнча системалуу иштерди улантып, Бишкек шаарынын тургундары үчүн экологиялык жактан таза жана жашыл, ыңгайлуу шарт түзүүгө багытталган иш-чараларды ишке ашырууда.
