Токмок шаарында көмүрдүн баасына мониторинг жүргүзүлдү
Монополияга каршы жөнгө салуу кызматынын Чүй облустук бөлүмүнүн кызматкерлери Токмок шаарындагы көмүр сатуу объекттериндеги бааларга мониторинг жүргүзүлдү. Бул тууралуу Монополияга каршы жөнгө салуу кызматынан билдиришти.
Маалыматка ылайык, Кара-Кече жана Миң-Куш кендеринен казылып алынган көмүрдүн чекене баасы тоннасына 6 200–6 500 сомду түзөт. Ошондой эле Шубаркөл кенинен казылып алынган көмүр да сатыкка коюлган.
Көмүр сатуучулардын маалыматына ылайык, жылытуу мезгилине карата көмүрдүн запасы жетиштүү көлөмдө бар.
Мониторинг учурунда калк арасында ажиотаждык суроо-талап жана кезек күтүү учурлары байкалган жок.
Монополияга каршы жөнгө салуу кызматы көмүр рыногундагы бааларга, көмүрдүн жеткиликтүүлүгүнө жана жетиштүүлүгүнө мониторинг жүргүзүүнү улантат.
