Нарында күз-кыш мезгилине даярдык иштери жүрүүдө
Нарын шаарынын мэри Жылдызбек Беккелдиев күз-кыш жылытуу мезгилине карата даярдык көрүү менен жылуулук тутумундагы оңдоп-түздөө, жылуулук системасына турак жайларды кошуу жана отканалардагы оңдоо иштерин көрдү. Бул тууралуу Нарын шаардык мэриясынын маалымат кызматы билдирди.
Маалыматка ылайык, тийиштүү мекеме жетекчилери менен бирге штабдык жыйын өтүп, жылуулук берүү ишканасына калкка жана экономикалык-социалдык тармактарга көмүр отунун тартуу иштерин баштоону уюштуруу, откана, жылуулук түтүктөрүн оңдоону, кабаттуу турак жайларды жылуулукка кошуу иштерин жакшыртууну буйруду.
Электр тармактар ишканасына электр чордондорун, электр чубалгыларын оңдоо жаңыртуу иштерин өз убагында бүткөрүү, электр энергиясынын сарпталышы, лимиттин пайдаланылышы акча каражаттарынын төлөнүшү боюнча анализдүү иш алып баруу менен көйгөйлөрдү алдын алууну тапшырды.
Жаңы курулуп жаткан турак жай жана башка социалдык обьектилерди жылуулукка кошуу иштерин алып барууну, ошондой эле калкты көмүр менен камсыздоодо боюнча так маалыматтарды алды. Жашоочулардын керектөөсүн камсыздоо үчүн топ базаларды ачуу боюнча иш милдеттерди өз убагынан кечиктирбестен алып баруу жана башка бир катар милдетерди тийиштүү мекеме жетекчилерине тапшырды.
