Ноокенде сел жүрүп  466 турак жайды, 4 тамактануучу жайды суу каптады

Ноокен району боюнча нөшөрлөп жааган жаандын кесепетинен сел 466 турак үйдүн короосун каптап, анын ичинен 80 турак үйдүн ичине кирген. Бул тууралуу ӨКМден билдиришти.

Маалыматка ылайык, 4 коомдук тамактануучу жай, 1 мечит, 5 унаа оңдоочу жай, 2 унаа жуучу жай жана 1 бала бакчанын короосу сел сууларынан жабыркаган.

Кесепеттерди жоюу жана аймактарды тазалоо иштерине райондук жарандык коргонуу кызматтарынан жалпы 350 адам, Өзгөчө кырдаалдар министрлигинен 101 куткаруучу тартылды. 

Ошондой эле 22 оор инженердик техника иш алып барып, турак жайлардын, көчөлөрдүн жана социалдык объектилердин аймагын сел калдыктарынан тазалоо иштери жүргүзүлүүдө.