Бишкекте жыл башынан бери 20 этникалык кыргыз кайрылман макамын алды
Жыл башынан бери 20 этникалык кыргызга кайрылман күбөлүгү тапшырылды. Бул тууралуу Бишкек шаардык иш менен камсыз кылууга көмөктөшүү башкармалыгы билдирди.
Маалыматка ылайык, аталган мекеме жарандарга "Тарыхый мекенине кайтып келген этникалык кыргыздарга мамлекеттик кепилдиктер жөнүндө" мыйзамдын негизинде кайрылман макамын берген.
Күбөлүктү алган этникалык кыргыздардын ичинен 12си Тажикстандан, алтоо Кытайдан, бирөө Түркиядан жана бирөө Ооганстандан келген.
Тактап кетсек, кайрылман макамы тарыхый мекенине кайтып келген кыргыздарга мыйзамда каралган мамлекеттик кепилдиктерди пайдаланууга мүмкүнчүлүк берет.
