Баткенде иретсиз соодага жана унааны туура эмес токтотууга каршы рейд өттү
Баткен шаарында иретсиз сооданы жоюу жана жол эрежелерин сактоону камсыз кылуу максатында рейддик иш-чара өттү. Бул тууралуу калаа мэриясынан билдиришти.
Маалыматка ылайык, иш-чаранын жүрүшүндө тыюу салынган жерлерге токтотулган автоунаалар аныкталып, алардын ээлерине мыйзамга ылайык айып пулдар салынды.
Ошондой эле уруксатсыз соода жүргүзүп жаткан жарандарга түшүндүрүү иштери жүргүзүлүп, мыйзам талаптарын сактоо боюнча эскертүүлөр берилди.
Баткен шаардык мэриясы мындай рейддер калаадагы коомдук тартипти чыңдоо, жөө жүргүнчүлөрдүн коопсуздугун камсыз кылуу жана көчөлөрдү иретке келтирүү максатында мындан ары да улантыларын билдирди.
Кийинки текшерүүлөрдө тыюу салынган жерлерге мыйзамсыз токтотулган унаалар эвакуатор менен айып короосуна жеткирилери эскертилди. Жергиликтүү бийлик тургундарды жана айдоочуларды тартипти сактоого чакырды.
