Нарында көрүстөн үчүн Миң-Булак айылынан 5 гектар жер бөлүнөт
Нарын шаарындагы сөөк коюу үчүн жер тартыштыгын чечүү максатында Миң-Булак айыл аймагынан 5 гектар жер бөлүү боюнча иштер жүрүп жатат.
Калаа мэриясынын маалыматына ылайык, бул маселе Нарын райондук мамлекеттик администрациясы менен биргеликте каралып, тиешелүү иштер мыйзам талаптарына ылайык жүргүзүлүүдө.
Учурда шаар аймагындагы көрүстөндөрдө жаңы сөөк коюуга ылайыктуу жер дээрлик калбай калган. Ушуга байланыштуу калаа мэриясы жана шаардык кеңеши көйгөйдү чечүүгө аракет кылып жатышат.
Белгиленгендей, жер маселесин кароо үчүн тиешелүү мамлекеттик органдардын өкүлдөрү жеринде изилдөө иштерин жүргүзүп, зарыл болгон чараларды көрүүдө.
