Адвокат 4 миң доллар алып жаткан жеринен кармалды
Улуттук коопсуздук мамлекеттик комитетине (УКМК) Э.Б.М аттуу жаран кайрылып, адвокат Ж.А.Б. кылмыш жоопкерчилигине тартылган адамдын иши боюнча оң чечим чыгарууга көмөк көрсөтөм деген шылтоо менен 6 миң $ талап кылып жатканын билдирген. Ыкчам иликтөө иштеринин натыйжасында, УКМК адвокат тарабынан акча талап кылуу фактысын аныкталды.
УКМКнын маалыматына ылайык, ал сот органдарында байланышы бар экенин айтып, айыпталуучунун жубайынан акча талап кылган. 2026-жылдын 17-июлунда жүргүзүлгөн атайын операциянын жүрүшүндө адвокат талап кылынган акчанын 4 миң $ алып жаткан жеринен кармалган.
Бул факт боюнча Кылмыш-жаза кодексинин 209-беренесине ылайык, «Алдамчылык» боюнча кылмыш иши козголуп, Манас шаардык соту шектүүгө карата тергөө аяктаганга чейин камакка алуу түрүндөгү бөгөт чарасын тандады.
Учурда кылмыштын бардык жагдайларын аныктоо, ага тиешеси бар башка адамдарды тактоо боюнча тергөө-ыкчам иш-чаралар улантылып жатат.
