Чек арада аткезчиликти уюштурган деп шектелген аскер кызматкери кармалды

Чек арада аткезчиликти уюштурган деп шектелген аскер кызматкери кармалды

Баткен гарнизонунун аскер прокуратурасы тарабынан - Мамлекеттик чек ара кызматынын аскер кызматкерлери тарабынан кызмат абалынан кыянаттык менен пайдалануу, жүктөрдү үчүнчү өлкөлөргө аткезчилик жолу менен өткөрүүнү уюштуруу, мамлекеттик чек араны мыйзамсыз кесип өтүү, ошондой эле ок-дарыларды мыйзамсыз сактоо фактылары аныкталды.

Башкы прокуратура берген маалыматка ылайык, кылмышка шектүү катары Лейлек чек ара отрядынын штаб башчысы – аскер бөлүгүнүн командиринин орун басары, подполковник М.А. кармалып, Баткен райондук ички иштер бөлүмүнүн убактылуу кармоочу жайына киргизилди.

Тергөө маалыматы боюнча, ал кызмат абалынан кыянаттык менен пайдаланууга, жүктөрдү үчүнчү өлкөлөргө мыйзамсыз өткөрүүнү уюштурууга, мамлекеттик чек араны мыйзамсыз кесип өтүүгө жана ок-дарыларды мыйзамсыз сактоого шектелүүдө.

Ошондой эле аскер прокуратурасы бул фактылар боюнча кызматтык иликтөөнүн материалдары жана атайын билдирүү мыйзамда белгиленген тартипте прокуратурага өз убагында берилбегенин билдирди.

Учурда чек ара кызматынын жооптуу кызмат адамдары тарабынан мыйзам бузуу фактыларын жашыруу аракеттери болгон-болбогонун аныктоо боюнча кошумча тергөө иштери жүргүзүлүүдө. Кылмыш иши боюнча тергөө уланууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Баткенде 7 500 фермерди колдоо долбоору ишке ашууда

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат