Президенттин сыймыгы сертификаты ЖРТда эң жогорку балл алган 54 окуучуга тапшырылды

Президенттин сыймыгы сертификаты  ЖРТда эң жогорку балл алган 54 окуучуга тапшырылды

2026-жылкы Жалпы республикалык тестирлөөдө (ЖРТ) эң жогорку упай топтогон 54 мектеп бүтүрүүчүсү бүгүн “Кыргыз Республикасынын Президентинин сыймыгы” сертификаттарын алышты. Иш-чара "Ынтымак Ордо" мамлекеттик резиденциясында өтүп, сыйлыктарды Президенттин атынан Министрлер Кабинетинин Төрагасы – Адылбек Касымалиев тапшырды.

Иш-чарага алтын сертификаттын 54 ээси менен катар өлкөнүн аймактарынан ЖРТдан жогорку балл алган дагы 20 бүтүрүүчү катышты.

Президенттин куттуктоосунда алтын сертификат ээлери өлкөнүн интеллектуалдык сыймыгы экени белгиленип, алардын ийгилиги талыкпаган эмгектин, ата-энелердин колдоосунун жана мугалимдердин үзүрлүү эмгегинин жыйынтыгы экени айтылды.

Өз сөзүндө Адылбек Касымалиев мамлекет билим берүү тармагын реформалоону улантып жатканын белгилеп, жаштарды кайсы кесипти тандабасын өз тармагынын мыкты адиси болуп, ошол эле учурда улуттук баалуулуктарды сактоого чакырды.

“Араңыздарда жаңы Кыргызстандын келечектеги куруучулары, ошондой эле көрүнүктүү ойчулдар жана лидерлер бар. Андыктан, мекениңиздерге кызмат кылуу жолунда кыялдануудан жана өзүңүздөргө эң дымактуу максаттарды коюудан коркпогула. Дүйнөнү өзгөртүү дал ушул сиздердин муунга буюрган", — деди Адылбек Касымалиев.

Иш-чаранын соңунда алтын сертификат ээлерине Президенттин атынан эстелик белектер тапшырылды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Баткенде 7 500 фермерди колдоо долбоору ишке ашууда

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат