Автобус башкарган дагы бир айдоочу жумуштан бошотулду
Социалдык тармактарга тараган видеого байланыштуу, Бишкек шаардык транспорт башкармалыгы кызматтык териштирүү жүргүзүлүп, окуянын жагдайын видеокөзөмөл аркылуу текшерип, айдоочуга карата чара көрүү чечимин кабыл алган.
Башкармалыктын маалыматына ылайык, текшерүүнүн жыйынтыгында, Бишкек шаарындагы №36-каттамдын айдоочусу жөө өтмөктөн өтүп жаткан кезде жөө жүргүнчүгө жол бербей, жол кыймылынын эрежесин бузгандыгы аныкталган.
Ушуга байланыштуу, топтолгон материалдар мыйзам чегинде чара көрүү үчүн ыйгарым укуктуу органдарга жөнөтүлүп, тартип комиссиясынын чечими менен айдоочу каттамдан четтетилгендиги жана ээлеген кызматынан бошотулгандыгы тууралуу маалым болду.
