Балыкчы шаарындагы айланма жолго тосмолор орнотулду
Балыкчы шаарындагы негизги айланма жолго заманбап металл барьердик тосмолор орнотулду. Бул тууралуу калаа мэриясынан билдиришти.
Маалыматка ылайык, иштер шаар мэри Баатырбек Жантаевдин протоколдук тапшырмасынын негизинде жүргүзүлгөн.
Белгиленгендей, жаңы тосмолор унаалардын жолдон чыгып кетүүсүнүн жана жол кырсыктарынын алдын алууга, түнкү убакта жана аба ырайынын начар шарттарында кыймылдын коопсуздугун камсыздоого, ошондой эле жол кыймылын эл аралык стандарттарга ылайык уюштурууга багытталган.
Мэриядан белгилешкендей, шаардагы жол инфратүзүмүн жакшыртуу жана тургундардын коопсуздугун жогорулатуу боюнча иштер мындан ары да улантылат.
с
