Бишкекте этти 680 сомдон саткан көчмө соода унаалары иштеп жатат
Бишкек шаарында калк үчүн жеткиликтүү баада эт саткан фудтрактар ишин улантууда. Аларды Суу ресурстары, айыл чарба жана кайра иштетүү өнөр жайы министрлигине караштуу "Кыргыз Агрохолдинг" ААК уюштурган.
Министрликтин маалыматына ылайык, көчмө соода унааларында эттин килограммы 680 сомдон сатылууда. Алар шаардагы бир нече аймактарда жайгашкан.
Учурда эт саткан жайлар төмөнкү даректерде иш алып барууда:
- Аламүдүн-1 конушу, Сагынбай Манасчы көчөсү, 7/1;
- Көк-Жар кичи району, 3/1;
- 7-Апрель көчөсү менен Ахунбаев көчөсүнүн кесилиши;
- Киев көчөсү менен Кулиев көчөсүнүн кесилиши;
- Тунгуч кичи району ("Глобус" гипермаркетинин унаа токтотуучу жайы);
- Ортосай базары;
- Гагарин көчөсү менен Космостук көчөсүнүн кесилиши;
- Ленин көчөсү, 135;
- Төмөнкү Жал кичи району, Тыналиев көчөсү;
- Москва көчөсү менен Шопоков көчөсүнүн кесилиши.
Уюштуруучулардын айтымында, мындай соода түйүндөрү шаар тургундарын сапаттуу эт азыктары менен камсыз кылуу жана бааларды жеткиликтүү деңгээлде кармоо максатында ишке киргизилген.
