Кыргызстанда маркумдун сөөгүн өрттөөгө тыюу салынды
Президент Садыр Жапаров "Маркумду узатуу жана сөөк коюу иши жөнүндө" мыйзамга өзгөртүүлөрдү киргизген мыйзам долбооруна кол койду.
Эми крематорийлер адамдын сөөгүн өрттөө үчүн эмес, медициналык мекемелерде пайда болгон биологиялык калдыктарды (органдар жана ткандар) санитардык талаптарга ылайык жок кылуу үчүн гана колдонулат.
Крематорийлер республикалык жана жергиликтүү бюджеттин, ошондой эле жеке ишканалардын каражатына курулушу мүмкүн.
Мыйзамга ылайык, маркумдардын сөөгүн, ошондой эле бойдон алдырылган жана өлүк төрөлгөн түйүлдүктөрдү кремациялоого тыюу салынат.
Ошондой эле мыйзамдан кремация, күл салынган урналар жана колумбарийлер тууралуу жоболор алынып салынды.
Мындан ары өздүгү аныкталбаган жана ээси табылбаган сөөктөр көрүстөндөгү жерге гана көмүлөт. Буга чейин мындай учурларда сөөктүү өрттөөгө түздөн-түз тыюу салынган эмес болчу.
Мыйзам расмий жарыялангандан кийин 10 күндөн соң күчүнө кирет.
