Милиция Бакай-Атада ок атуучу курал ээлерине коопсуздук талаптарын эскертти
Бакай-Ата районунда милиция кызматкерлери ок атуучу куралы бар жарандарды текшерди. Бул тууралуу аймактык ички иштер бөлүмүнөн билдиришти.
Маалыматка ылайык, тескөөчүлөр каттоодо турган курал ээлеринин үйлөрүнө барып, куралдарды сактоо шарттарын, коопсуздук талаптарынын сакталышын жана уруксат берүүчү документтердин мөөнөтүн текшеришти.
Текшерүү учурунда жарандарга ок атуучу куралдарды сактоо, алып жүрүү жана колдонуу эрежелери боюнча түшүндүрүү иштери жүргүзүлдү. Ошондой эле курал колдонууга байланыштуу мыйзам бузуулардын жана кооптуу окуялардын алдын алуу боюнча эскертүүлөр берилди.
Мындан тышкары, каттоодо турган куралдардын мыйзам талаптарын бузуу менен башка аймактарга чыгарылып кетишине жол бербөө боюнча көзөмөл күчөтүлдү.
