Министрлик жарандарга төлөнбөй калган 4,4 млн сом эмгек акыны өндүрүп берди
Эмгек министрлиги 2026-жылдын биринчи жарым жылдыгында кызматкерлерге төлөнбөй калган 4 млн 408 миң 972 сом айлык акысын кайтарып алуусуна көмөктөштү.
Маалыматка ылайык, өткөн жылдын ушул мезгилинде өндүрүлгөн сумма 7 млн 199 миң 869 сомду түзгөн. Быйыл бул көрсөткүч 2 млн 790 миң 896 сомго же 38,8%га азайган.
Мындан тышкары, өндүрүштүк жаракаттан улам келтирилген зыяндын ордун толтуруу үчүн төлөнгөн компенсациялардын көлөмү да кыскарган.
2026-жылдын алты айында кызматкерлерге 11 млн 380 миң 435 сом компенсация төлөнсө, 2025-жылдын ушул мезгилинде бул сумма 58 млн 826 миң 346 сомду түзгөн.
Натыйжада компенсациялардын көлөмү 80,7%га төмөндөгөн.
