Токмок – Кемин жолунда 8 мыйзамсыз объект аныкталды
Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Чүй аймактык башкармалыгынын Чүй райондук архитектура башкармалыгы тарабынан Токмок -Кемин унаа жолунун боюнда жайгашкан объекттерге инвентаризация жүргүзүлдү.
Курулуш, архитектура жана турак жай-коммуналдык чарба министрлигинин маалыматына ылайык, инвентаризациянын жүрүшүндө жалпы 8 мыйзамсыз объект аныкталды. Алардын ичинен үчөө капиталдык курулуш объекттери болсо, бешөө жеңил конструкциядагы соода күркөлөрү экени белгилүү болду.
Аныкталган мыйзамсыз объектилер боюнча алардын ээлерине жеринде түшүндүрүү иштери жүргүзүлүп, шаар куруу жана жер мыйзамдарынын талаптарын сактоо, ошондой эле мыйзам бузууларды жоюу боюнча тиешелүү эскертүүлөр берилди.
Мындай иш-чаралар шаар куруу мыйзамдарынын талаптарынын сакталышын камсыздоо, мыйзамсыз курулуштарды алдын алуу жана аймактарды иретке келтирүү максатында жүргүзүлүүдө.
