"Кыргызстан аэропорттору" ишканасынын Оштогу филиалы текшерүүдөн өттү
Өзгөчө кырдаалдар министрлигинин Ош шаары боюнча башкармалыгы "Кыргызстан аэропорттору" ААКнын аймактагы филиалында жарандык коргонуунун абалына баалоо жүргүздү.
ӨКМдин Ош шаардык башкармалыгы билдиргендей, иш-чара жарандык коргонуу боюнча 2026-жылга даярдык планынын негизинде өттү.
Комиссия кабарлоо жана чогултуу тутумун, эвакуациялык чыгуулардын талаптарга ылайыктуулугун, ошондой эле өрт, авария жана башка өзгөчө кырдаалдардагы аракеттерге даярдыкты текшерди.
Мындан тышкары, адистер тарабынан жарандык коргонуу багытында усулдук жардам көрсөтүлүп, аныкталган кемчиликтерди жоюу боюнча сунуштар берилди.
Белгиленгендей, баалоо иш-чаралары мекемелердин өзгөчө кырдаалдарга даярдыгын жогорулатууга жана кызматкерлердин коопсуздук маданиятын күчөтүүгө багытталган.
