Өлкө боюнча 261 миң гектар айдоо аянтындагы түшүм жыйналды
Кыргызстан боюнча учурда жалпы 261 миң гектар жердеги түшүм жыйналып бүттү. Бул тууралуу Суу ресурстары айыл чарба жана кайра иштетүү өнөр жайы министрлигинен билдиришти.
Анын ичинен:
- 139 миң гектар жерден буудай;
- 121 миң гектардан арпа;
- 770 гектардан жүгөрү;
- 200 гектардан чанактуу өсүмдүктөр жыйналды.
Облустар арасында Чүй аймагы эң жогорку көрсөткүчтү көрсөтүүдө. Бул аймакта пландын 50,8%ын түзгөн 140,1 миң гектар жердеги оруп-жыйноо иштери аяктады.
Ошто түшүм жыйноо иштери 56,8%га, Жалал-Абадда 52,9%га, Таласта 10,9%га аткарылды. Ысык-Көл жана Нарын өрөөнүндө оруп-жыйноо иштери уланууда.
