Ала-Арчада суудан өтө албай калган туристтерге жардам көрсөтүштү
6-августта саат 17:30 чамасында Ала-Арча мамлекеттик жаратылыш паркынын аймагында Нидерланддын эки жараны аккан суудан өтө албай калышкан.
Өзгөчө кырдаалдар министрлигинен билдиришкендей, окуя тууралуу маалымат түшөрү менен парктагы "Эдельвейс" куткаруу кошуунунун кызматкерлери ыкчам жерине барып, туристтерди коопсуз аймакка чыгарышты.
ӨКМ жарандарды жана туристтерди тоолуу аймактарга барганда коопсуздук эрежелерин так сактоого чакырат. Өзгөчө кырдаал жаралса, 112 кызматына кайрылуу зарыл.
