Кызыл-Кыяда курулуш талаптарын бузган жеке ишкерге чара көрүлдү
Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди.
Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда дагы мыйзамда белгиленген талаптар бузулган.
Аталган факты боюнча курулуш иштерин жүргүзүп жаткан жеке ишкер Э.А.Э.ге карата тиешелүү акт түзүлүп, административдик чаралар көрүлдү.
Ошондой эле аныкталган мыйзам бузууларды белгиленген мөөнөттө жоюу боюнча тиешелүү көрсөтмө берилди.
