Бишкектеги 3 автобустун каттамы убактылуу өзгөрөт
Бишкек шаарындагы Тоголок Молдо көчөсүнүн бир бөлүгүнүн убактылуу жабылышына байланыштуу №23, №107 жана №203 автобустарынын каттамдарынын кыймыл чиймеси убактылуу өзгөртүлөт.
Бишкек шаарынын мэриясынын маалыматына ылайык, жаңы кыймыл чиймеси оңдоо иштери толук аяктаганга чейин күчүндө болот.
Билдирүүгө караганда, жолдогу чектөөлөр 2026–2027-жылдардын күз-кыш мезгилине даярдык көрүүнүн алкагында жылуулук тармактарын реконструкциялоо иштерине байланыштуу киргизилүүдө. Аталган иштер шаарды ишенимдүү жылуулук менен камсыздоого жана алдыдагы жылытуу мезгилинин туруктуу өтүшүнө багытталган.
Ушуга байланыштуу шаар тургундарына жана борбор калаага келген конокторго каттамдарын алдын ала пландап, убактылуу жол белгилеринин талаптарын сактоо сунушталууда.
