Кыргызстанда орточо айлык 53 миң 759 сомду түзөт
2026-жылдын январь–июнь айларынын жыйынтыгы боюнча Кыргызстанда орточо айлык эмгек акы 53 миң 759 сомго жетти. Бул тууралуу Улуттук статистика комитетинен билдиришти.
Маалыматка ылайык, 2026-жылдын июнь айында 2025-жылдын июнь айына салыштырмалуу өлкөдөгү бардык экономикалык ишмердиктин түрлөрүндө иштегендердин орточо айлык номиналдык эмгек акысы 27,5%га өскөн.
Жылдык инфляцияны эске алганда, айлыктын реалдуу өсүшү болжол менен 16%ды түзөт. Мындан тышкары, бардык салыктар жана камсыздандыруу төлөмдөрү кармалгандан кийин колго тийген сумма мындан да аз болот.
Эске салсак, май айында орточо айлык акы 51 миң 888 сомду түзгөн. Расмий маалымат боюнча, бир ай ичинде өсүш 3,6 пайыз болгон.
2026-жылдын июнь айынын жыйынтыгы боюнча айлык акы эң көп өскөн тармактар:
– искусство, көңүл ачуу жана эс алуу — 49,2%;
– саламаттык сактоо жана калкты социалдык тейлөө — 43,7%;
– билим берүү — 42%;
– айыл, токой чарбасы жана балык уулоо — 36,1%;
– кесиптик, илимий жана техникалык ишмердик — 33,1%.
Ал эми 2026-жылдын январь–июль айларынын жыйынтыгы боюнча республикада расмий каттоодо турган жумушсуздардын саны 37,5 миң адамды түздү. Бул көрсөткүч өткөн жылдын ушул мезгилине салыштырмалуу 16,8%га аз.
