Аял фермерлер үчүн окутуу өттү

Аял фермерлер үчүн окутуу өттү

30-сентябрда Кыргыз мал чарба жана жайыттар илимий-изилдөө институту KOPIA борбору жана Кыргызстан Аялдар Конгресси менен биргеликте аймактардан келген аял фермерлер үчүн окутуу уюштурду.Бул тууралуу Айыл чарба министрлиги билдирди.

Маалымдалгандай, иш-чаранын максаты - аял фермерлерге мал чарбачылыгы жана тоют өндүрүү багытында заманбап, илимий негизделген технологиялар боюнча практикалык маалымат берүү жана алардын кесиптик билимин жогорулатуу болду.

Окутуунун жүрүшүндө институттун окумуштуулары төмөнкү багыттар боюнча маалымат беришти:

• малдардын генетикасын жакшыртуу жана жасалма уруктандыруу;

• тоют өсүмдүктөрүн өстүрүү жана үрөнчүлүк аянттарын түзүү;

• аралаш тоют рациону (TMR) системасын киргизүү жана жайылтуу;

• биотехнология борборунун ишмердүүлүгү.

Катышуучулар адистерге суроолорун берип, малды туура тоюттандыруу, асыл тукум иштерин жакшыртуу жана заманбап технологияларды фермердик чарбаларда колдонуу боюнча пикир алышты.

Уюштуруучулардын айтымында, мындай окутуулар илимий жетишкендиктерди өндүрүшкө жайылтууга жана айыл чарбасында заманбап технологияларды кеңири колдонууга өбөлгө түзөт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды