Бишкектин 9-кичи районунда 12 саатка суу өчүрүлөт
27-августта Бишкектин айрым жерлеринде ичүүчү суу берүү убактылуу токтотулат. Бул тууралуу "Бишкексууканал" муниципалдык ишканасы билдирди.
Маалыматка ылайык, суу саат 09:00дөн 21:00гө чейин өчүрүлөт.
Суу өчүрүлө турган аймактар:
• 9-кичи райондун бир бөлүгү;
• Малдыбаев көчөсү;
• Сүйөркулов көчөсү;
• К. Тыныстанов көчөсү;
• И. Ахунбаев көчөсү.
Бул убакыт аралыгында турак үйлөргө, мектептерге, бала бакчаларга, саламаттык сактоо мекемелерине жана башка социалдык, өндүрүштүк объектилерге суу берилбейт.
Суу түтүгүндөгү аварияны жоюу иштерине байланыштуу суу берүү убактылуу токтотулат.
"Бишкексууканал" тургундарды ичүүчү сууну алдын ала камдап алууга чакырды.
