Чаектеги 6 кабаттуу турак жайдын курулуш шарттары текшерилди
Чаек айылында курулуп жаткан 6 кабаттуу турак жайдын аймагында инженердик-геологиялык изилдөө жүргүзүлдү. Бул тууралуу Курулуш, архитектура жана турак жай-коммуналдык чарба министрлиги билдирди.
Изилдөөнүн алкагында бургулоо иштери жүргүзүлүп, курулуш жүрүп жаткан аймактын жер кыртышы текшерилди. Топурактын үлгүлөрү алынып, физикалык-механикалык касиеттерин аныктоо үчүн лабораторияга жөнөтүлдү.
Изилдөөнүн жыйынтыгы жер кыртышынын өзгөчөлүктөрүн жана курулуш жүргүзүлө турган тилкенин шарттарын аныктоого мүмкүндүк берет. Алынган маалыматтар турак жайдын долбоордук чечимдерин иштеп чыгууда эске алынат.
Министрликтин маалыматына ылайык, инженердик-геологиялык изилдөөлөр объектти коопсуз жана талаптарга ылайык долбоорлоо үчүн жүргүзүлөт.
