Кадамжайдагы заводдо бетон аралашмаларынын сапаты текшерилди
Баткен облусунун Кадамжай районундагы Үч-Коргон айылында жайгашкан бетон заводунда сертификаттоо иштери жүргүзүлдү. Бул тууралуу Курулуш, архитектура жана турак жай-коммуналдык чарба министрлиги билдирди.
Текшерүү учурунда адистер өндүрүш процессин карап чыгып, чыгарылып жаткан бетон аралашмаларынын техникалык талаптарга жана ченемдик документтерге шайкештигин баалашты.
Ошондой эле лабораториялык сыноо үчүн бетон кубиктеринин үлгүлөрү алынды. Сыноонун жыйынтыгы менен продукциянын белгиленген талаптарга шайкештиги аныкталат.
Министрликтин маалыматына ылайык, сертификаттоо иштери курулуш материалдарынын сапатын камсыз кылуу жана өндүрүштө белгиленген талаптардын сакталышын көзөмөлдөө максатында жүргүзүлөт.
