Ысык-Көлдө балыкчылар үчүн QR-коддору бар 49 тактайча орнотулду
Ысык-Көл облусунда балык уулоо эрежелери жана электрондук билет алуу тууралуу маалымат камтылган QR-коддору бар 49 тактайча орнотулду. Бул тууралуу Айыл чарба министрлигине караштуу Балык өнөр жайы комплекси департаментинен билдиришти.
Маалыматтык тактайчалар балык уулоо көп жүргүзүлгөн аймактарга жайгаштырылды. Алар аркылуу жарандар балык уулоо эрежелери менен таанышып, QR-коддун жардамы менен балык уулоо билетин электрондук түрдө ала алышат.
Тактайчалар райондор боюнча төмөнкүдөй бөлүштүрүлдү:
• Тоң району — 8;
• Жети-Өгүз району — 9;
• Түп району — 12;
• Ак-Суу району — 6;
• Ысык-Көл району — 14.
Иш-чара Мергенчилер жана балыкчылар коому, Туристтик-экологиялык милиция жана егерлер менен биргеликте жүргүзүлдү.
Департаменттин маалыматына ылайык, иш-чара мыйзамсыз балык уулоонун алдын алуу, жаратылыш ресурстарын коргоо жана балык уулоо эрежелери боюнча калктын маалымдуулугун жогорулатууга багытталган.
