Чет өлкөлүк жарандарга 2 млн 701 миң сом айып пул салынды
Ысык-Көл облусунда “Нелегал-2026” ыкчам-профилактикалык рейди өттү. Бул тууралуу УКМКдан билдирди.
Маалыматка ылайык, 13-21-август аралыгында чет өлкөлүк жумушчу күчүн пайдаланган 31 объект жана 1015 чет өлкөлүк жарандын документтери текшерилген.
Жыйынтыгында Кыргызстандын аймагында мыйзамсыз жүргөн 303 чет өлкөлүк жаран аныкталып, аларга жалпы 2 млн 701 миң 500 сом айып пул салынды. Учурда дагы 8 чет өлкөлүк жаранды өлкөдөн чыгаруу боюнча иштер жүрүп жатат.
Атайын кызмат миграциялык каттоо, өлкөдө жүрүү жана эмгек ишмердүүлүгүнө байланыштуу талаптарды бузуу жоопкерчиликке, анын ичинде өлкөдөн чыгарууга жана кайра кирүүгө чектөө коюуга алып келиши мүмкүн экенин эскертти.
