Токтогулда төрт социалдык объект курулууда
Токтогул шаарында балдар реабилитациялык борбору жана оорукананын 100 орундуу кошумча имараты курулуп жатат. Объектилер пайдаланууга берилгенден кийин медициналык жана реабилитациялык кызматтардын жеткиликтүүлүгү кеңейет.
Президенттин Жалал-Абад облусундагы өкүлчүлүгүнөн билдиришкендей, Таласбай кичи районунда 750 орундуу жаңы мектеп да курулууда. Учурда курулуш иштеринин 75%ы аткарылды. Жаңы билим берүү мекемесинде окуучулар үчүн заманбап шарттарды түзүү каралган.
Мындан тышкары, Кетмен-Дөбө айыл аймагына караштуу Чоң-Арык айылында 140 орундуу бала бакчанын курулушу жүрүп жатат.
Аталган объектилердин курулушу Токтогул районунда билим берүү, саламаттык сактоо жана социалдык инфраструктураны жакшыртууга багытталган.
